Ola, moi boas.
Hoxe veño a compartir con vosco a miña experiencia facendo prácticas nunha empresa de software en Hannover, Alemaña durante 1 mes.
A empresa en concreto chamase BitCollegen, que se dedica á ofrecer un servizo de IT Outsourcing, o que ven sendo deslocalización dos servizos de programadores para empresas. Bitcollegen ademais forma parte da equipa doutra empresa maior, un buffete de avogados especializados en ecoloxismo, RITTER GENT COLLEGEN.
As miñas funcións na empresa fóronme explicadas o primeiro día por parte do meu xefe, Florian. As súas palabras textuais foron: “Martín e non che trousen aquí para que simplemente piques código. O meu obxectivo e que teñas unha visión 360º do que é un negocio tecnolóxico”. E certa mente durante o mes que estiven con el fixemos un pouco de todo.
Os primeiro días estívome explicando a súa maneira de traballar e todos os produtos e servizos que ofrecían. Propúxome distintos proxectos e deixoume escoller en cal me quería enrolar. Logo deixoume tempo para formarme nas tecnoloxías dese proxecto e a continuación pasamos a realizalo. Neste caso as tecnoloxías foron: Laravel, Laradock e bases de datos.
Respecto aos compañeiros de traballo, na oficia había un super bo ambiente. Compañeiros moi agradábeis cos que todos os días facía unha pausa conxunta para tomar o café. E a pesar de non falar alemán, non tiven ningún problema falando en inglés con ninguén da oficina.
Outras cousas interesantes que vivín foi poder colaborar con distintos programadores de outras partes do mundo, principalmente da India. Tamén fun invitado a un viaxe de empresa ás montañas que foi moi divertido onde o principal foi comer, beber e pasalo ben.
A miña experiencia foi tan gratificante que decidín mandar algúns currículums a ver si tiña sorte e me saía algún traballo de programador en Hannover. E agora mesmo estou escribindo este post como programador dunha empresa de Hannover na que teño pensado quedarme un ano polo menos.
Así que animádevos a facer o Erasmus, é unha experiencia incríbel, super segura e gratuíta.
Martín
É xenial que, en vez de facer só prácticas de programación, teñas agora unha visón global do negocio das tecnoloxías da información. Paréceme un moi bo sitio para facer unhas prácticas. E por enriba fichaste por unha empresa da mesma cidade ao rematar a túa mobilidade!