O pasado 2 de abril comecei , grazas a o IES San Clemente, a experiencia Erasmus na cidade italiana de Pescara, onde pasaría os próximos 3 meses realizando as miñas prácticas do ciclo nun novo país.
Despois dun longo viaxe partindo dende Santiago, entre avión e tren, e unha vez asentado na cidade , chegara o momento de contactar coa empresa e tratar de organizarme para desprazarme ata ela. Isto foime algo complicado, xa que a pesar de que como se nos comentou varias veces había moitas empresas na cidade de Pescara que buscaban xente en prácticas, a min asignóuseme unha que estaba nun pobo a media hora da cidade, onde os buses para chegar a ela adoitaban tardar sobre 50 minutos e a parada de bus mais próxima estaba a 30 minutos da miña residencia. Sendo sincero isto foi algo que me descontentou moito.
Durante este primeiro mes estiven visitando a cidade , coñecendo as súas praias e sitios de interese pero para min o máis importante foi que coñecín xente nova de España que , coma min , estaban vivindo esta experiencia de Erasmus, coa que estou facendo boas migas e coa que estou compartindo moitos momentos bos. Isto para min foi algo moi positivo xa que ao final ir de Erasmus no ciclo non só é ir a outro país facer as prácticas, senón que tamén é coñecer xente nova, lugares novos e experiencias novas.
Dito isto, como conclusión deste primeiro mes, quero dicir que a pesar do lio que teño con respecto as prácticas estou contento con estar vivindo esta experiencia
Alégrome moito de que esteas contento coa túa estadía a pesar dos inconvintes asociados ao desprazamento á empresa, que che implica 3 horas do teu tempo cada día. As fotos das paisaxes son preciosas.
Que ben que a viaxe a Pescara estea a ser productiva, as paisaxes son realmente bonitas. Tamén me pareceu moi interesante que coñeceras a xente de outras partes de España que están a vivir a súa propia experiencia Erasmus.