Prácticas en Praga — Data4you.cz

Hai 2 semanas que comecei a traballar na empresa Data4you e nestas alturas penso que non puiden escoller mellor.

O meu rol principal é o de programador back-end, aínda que en ocasións tamén necesitei facer uso do front-end e dos sistemas. A miña tarefa principal a principios consistiu en arranxar varios servizos que non funcionaban (sistemas) e agora en refactorizar unha aplicación de web-scraping (con centos de scripts).

A empresa utiliza principalmente PHP (Laravel) e JavaScript (React ou node.js) e MySQL para desenvolver os seus proxectos, pero tamén usa en ocasións MongoDB, Python ou Bash. Para traballar en conxunto utilizamos BitBucket como controlador de versións, Slack para comunicación, e Trello para planificación e asignación de tarefas.

A empresa é pequena, ten 8 traballadores, o que significa que terei a oportunidade de traballar en proxectos desde o seu inicio ata a súa finalización. Ademais do meu rol como programador, tamén participo en varias tarefas de apoio nas clases do bootcamp de programación de 3 meses que a empresa ofrece.

Estar en contacto cos alumnos do bootcamp facilitoume moito as cousas á hora de atopar amigos e tomar unhas cervexas polas tardes. A maioría ronda entre os 20 e os 30 anos e como as clases son en inglés, todos falan a lingua.

Arredor da empresa hai moita variedade de lugares onde comer durante o descanso, desde comida vietnamita, tailandesa ou italiana ata comida tradicional checa. Os prezos son similares aos dun menú do día en España, o que é bastante accesible. Se queres traer a túa propia comida, tamén podes calen quentala no microondas e comer na zona designada.

As oficinas están situadas nunha localización moi boa, con vistas ao río Moldova. Leva aproximadamente 15 minutos para chegar desde o centro en metro. No meu caso levaba 25 minutos por ter que andar e facer un transbordo.

En xeral, foi una moi boa benvida á cidade en tódolos aspectos. O traballo resúltame interesante e dinámico grazas á dualidade ca plataforma de educación, e as condicións cumpren de sobra o que un se pode esperar nun traballo deste tipo.