A miña experiencia neste Job Shadowing en Lisboa estivo enfocada, principalmente, na empresa multinacional Teleperformance, a cal xa ten colaborado co noso centro, aínda que este Erasmus+ permitiume coñecer de primeira man como é o funcionamento da mesma e reforzar as relacións para futuras colaboracións de prácticas de estudantes.
O edificio que se pode ver ao fondo da imaxe co letreiro de Teleperformance é o edificio Marconi e que a empresa denomina o City Center. Todo o edificio é da empresa. Posúe outro na cidade de Lisboa e 4 no Parque das Nacións, entre eles o edificio Atlántico. Tal e como comentaba, é unha compañía moi grande que ten sedes noutros países, tamén en España e preto de nós, en A Coruña.
O primeiro que me chamou a atención foi que lles sorprendeu a Formación Profesional que existe no noso sistema educativo, xa que no sistema educativo portugués non se contempla, curiosamente tamén lles sorprendeu que fose de balde. CURIOSO, NON??
No City Center posúen un hub learning para formar ao persoal propio e incluso un servizo médico. Tamén dispón dunha cafetería e un comedor cun menú de 2,5€.
Esta foto non é que se me colara, é tomada nunha localidade preto de Lisboa e lembroume aos edificios de Teleperformance, distribuídos en planta baixa, primeiro andar, segundo andar….. e ático. Moi xerárquico, ao igual que os distintos departamentos da empresa.
A compañía adícase á venda e soporte de servizos de todo tipo, sendo un dos seus principais negocios os produtos de Google ADS. Aquí vos deixo unhas fotos do City Center por dentro. No taller hai moito trafego, xa que con tantos postos de traballo é preciso ensamblar e configurar os ordenadores para substitución, para novos postos, para actualizacións ou reparacións, etc.
Pode ser unha boa opción para unha estadía de prácticas.
Por outra banda, visitei outra institución, Lispolis, que se trata dun Polo Tecnologico e que alberga case 130 empresas, maioritariamente tecnolóxicas. Esta sita un pouquiño mais arriba do estadio da Luz do Benfica e comprende un montón de parcelas e edificios onde se ubican as distintas empresas, algunhas delas dun tamaño importante. Nesta institución, posúen un Forum Tecnologico e un viveiro de empresas no edificio LOTE 01. Fixádevos nos carteis, xa que se pode ver que hai edificios ata o LOTE 26.
Na seguinte ligazón pódense ver as empresas que compoñen o Polo Tecnologico de Lispolis:
Unha das empresas que se ubica no viveiro de empresas de Lispolis, edificio LOTE 01, é SEA.AI. Xa tivo algunha colaboración co noso centro e realicei unha visita ás súas instalacións. É unha empresa nova e composta por xente nova de varias nacionalidades e que se adican á Intelixencia Artificial. Son de 8 a 10 persoas traballando en Lisboa, pero aprézase moita enerxía e motivación. Actualmente forman parte dun grupo que ten sedes noutros países; Austria, Francia e EEUU. Amosouse disposta a acoller alumnado en prácticas e tamén pode ser unha experiencia interesante.
Conclusión
Para quen non coñeza Lisboa, resulta unha cidade que merece moito a pena, animada e culturalmente rica de día…………. e de noite e con boas oportunidades para realizar as prácticas, ao mesmo tempo que melloramos a nosa competencia na lingua portuguesa. Tampouco podemos esquecer que estamos a falar da Cidade da Luz, cun clima marabilloso. Os maiores inconvintes son o aluguer de vivenda e os soldos, os cales melloraron nos últimos tempos pero seguen a ser baixos. Pola contra, o día a día é relativamente barato, pódese gozar da boísima gastronomía a prezos razoables.
A Teleperformance, ten moi boa pinta. Seguro que o alumnado queda encantado facendo as estadías ali. Estou de acordo contigo que Lisboa é unha cidade que merece a pena visitar.
Grazas.
Grazas por compartir con nós a túa experiencia. Impresionantes as fotos. Tamén o prezo de menú.